Flaka Haliti - Gjërat Vazhdojnë të Biejnë në Tokë

Vepra Gjërat vazhdojnë të Bien në Tokë (Things Keep Falling to Earth) analizon specie që ndoshta kanë “emigruar” në det përmes anijeve të mallrave nga Deti i Zi. Ajo nënkupton kështu një dukuri të pakthyeshme në përputhje me ligjet e natyrës. Duke marrë në konsideratë paradokset e krijuara nga përpjekjet për zgjidhjen e problemeve të mjedisit, vepra rikontekstualizon ekosistemin dhe bashkon ligjet e tij natyrore me bashkëjetesën tonë njerëzore. Kjo qasje mbështetet në idenë se ndjesia e përkatësisë në një vend ta caktuar mund të ushqejë njëlloj si politikat konservatore ashtu edhe ato progresiste, në kontekste më të gjera si kombi apo hapësirat transnacionale.

Brenda estetikës së rëndomtë të grafitëve të rrugës, endet pyetja : Në cilën utopi do të kthehemi? – në cilin version të utopisë duam t’i lutemi shekullit 21? Kjo fjali shfaqet në një kolazh që paraqet lëvizje të ndryshme socio politike dhe militante, duke nxjerrë në pah simbole dhe kërkesa për drejtësi sociale. Para së gjithash ajo kërkon të shtrohet pyetja se cilat ide, perspektiva dhe vizione ndikojnë shoqërinë tonë. Kush dhe çfarë dëgjohet, shihet dhe përfaqësohet – ose jo? Në të njëjtën kohë kolazhi nënkupton se po i afrohemi konceptit të utopisë nga kënde të ndryshme, se po hyjmë në një hapësirë mundësish për të vërteta të ndryshme dhe të shumta jashtë konceptimit dominuese perëndimor për politikën dhe shoqërinë. Pyetja “CILIT version të utopisë po i referohemi?” propozon një projektim të një ngjarjeje me të vërteta të shumta që nuk është përfytyruar ende si e tërë.

‍

Flaka Haliti

Flaka Haliti (lindur në 1982 në Prishtinë, Kosovë, jeton mes Munihut dhe Prishtinës). Ajo ka përfunduar studimet në Universitetin e Arteve, Städelschule në Frankfurt am Main dhe pa ka paraqitur veprat e saj artistike në ekspozita individuale dhe grupore në - Muzeun e Arteve Moderne në Vienë, Cukrarna Gallery, Kunsthaus Hamburg, Galerinë Kombëtare të Artit, Tiranë, Galerinë Kombëtare, Kosovë, Hamburger Bahnof, Berlin, Museum Lenbachhaus Munich, Museum Ludwig Cologne, Kunsthalle Vienna dhe, Haus der Kulturen der Welt in Berlin ndër të tjera. Flaka Haliti ka përfaqësuar Kosovën në Bienalen e Venecias të vitit 2015, si ka marrë pjesë në Bienalen e 6-të të Moskës në vitin 2015, në Public Art Munich dhe Busan Biennale 2018. Në vitin 2019 mori pjesë në Fellbach Triennial, ku mori çmimin Ludwig Gies Prize nga Letter Stiftung. Në të njëjtin vit u nominua në listën e shkurtër për Preis der Nationalgalerie 2019 dhe u ekspozua në Hamburger Bahnhof, Berlin. Në vitin 2021 ishte pjesë e Baltic Triennial, Autostrada Biennale, dhe krijoi një set për Opera të porositur nga Kunsthaus Bregenz dhe Bregenz Festspiele. Në vitin 2022 vepra të saj u komisionuan në Bienalen Manifesta 14 në Prishtinë dhe Sterischeherbs' 22.