ASTRIT ISMAILI - DIGGING: Duke gërmuar

Digging është një metodologji performative e konceptuar nga artisti Astrit Ismaili që synon t’i shohë ngjarjet e së shkuarës përmes kufizimeve të gjuhës dhe gramatikës. Artisti i rrëfen historitë brenda një kuadri ku gjuha shpesh nuk arrin të rrokë si kanë rrjedhur ngjarjet. Digging është njëherazi një metaforë dhe praktikë që ka të bëjë me elasticitetin e kujtesës dhe kohës përmes kujtimit të folur. I ulur në mes të publikut, Ismaili e fillon me një thënie të thjeshtë për ditën e tyre, dhe prej andej, duke e zhvendosur të njëjtin moment në kohë, duke kujtuar së çfarë po bënin pikërisht një vit më parë, dhe më pas, duke zbuluar shtresa të historisë personale dhe si lidhen ato me transformime më të gjera socio-ekonomike. Duke sfumuar të shkuarën dhe të tashmen, Ismaili sfidon mënyrat se si ne i ndërtojmë dhe rindërtojmë narrativat tona, duke e shndërruar kujtesën në një eksperiencë dinamike të përbashkët.

Astrit Ismaili

Astrit Ismaili (lindur më 1991, Prishtinë) është artist performance puna e të cilit eksploron trupin si vend tranformimi, rezilience dhe ardhmërie. Duke përzier zërat, lëvizjen dhe kostumin, Ismaili krijon personazhe performative që sfidojnë normat e gjinisë, ndërtimet e identitetit dhe kufijtë e shprehjes fizike. Praktika e tyre shpesh përfshin tinguj, estetikë pop kulture, dhe rrëfimin trillues. Duke përfytyruar mënyra të reja të të qenit dhe të përkiturit, Ismaili ka paraqitur punime në vende të tilla si KE Institut për Artin Bashkëkohor (Berlin), Stedejelink Museum (Amsterdam) dhe Bienalen e Venecias. Punimet e tij janë të njohura edhe për hulumtimin e vazhdueshëm të zërit si shtrirje e trupit, duke e përdorur si mjet personal dhe njëherazi politik. I vendosur mes Amsterdamit dhe Prishtinës, Ismaili vazhdon ta formësojë performancën si praktikë shpërhapëse, fluide, dhe thellësisht të trupëzuar.